Покистондаги шахтада портлаш оқибатида олти киши ҳалок бўлди
Бахтсиз ҳодиса Балужистон вилоятидаги кўмир конида юз берган, деб хабар берди Dawn телеканали маҳаллий расмийларга таяниб.
Қайд этилишича, ишчилар 450 метрдан зиёд чуқурликда ишлаётганда шахтада метан тўпланиши натижасида кучли портлаш содир бўлган. Шахтадан чиқиш тўсилиб қолган. Қутқарувчилар портлаш содир бўлган жойга етиб олишга муваффақ бўлишган, бироқ бу вақтга келиб олти кончи ҳалок бўлган.
Қидирув-қутқарув ишлари давомида туннелларда метаннинг юқори концентрацияси туфайли беш нафар қутқарувчи ҳушини йўқотган. Қутқарув гуруҳи аъзолари уларни олиб чиққан.
