Путиннинг «Азовсталь»га ҳужумни бекор қилиши, ўраб олинган Мариупол ва G20 йиғилишидаги ҳодиса: Донбасс атрофидаги сўнгги воқеалар
Россия мудофаа вазири Сергей Шойгу билан учрашувда Владимир Путин Мариуполдаги «Азовсталь» саноат зонасига ҳужумни ўринсиз деб атади ва уни бекор қилишни буюрди. "Бу биз ўйлашимиз керак бўлган вазият, яъни доим ўйлашимиз керак, хусусан, бунда кўпроқ - аскар ва офицерларимиз ҳаёти ва соғлиғини сақлаш ҳақида. Бу катакомбаларга тушиш ва ер остидаги саноат объектлари бўйлаб ўрмалаб юришнинг ҳожати йўқ", дея ўз қарорини тушунтирди Россия президенти.
Шунингдек, у қуролини ташлаган барча украиналик аскарларга ҳаётини сақлаб қолиш ва уларга муносиб муносабатда бўлишга ваъда берди.
Ҳозир Мариуполда тинч аҳолини эвакуация қилиш тўхтатилган. Шаҳар деярли енгилди, аммо Украина қўшинлари таслим бўлишдан бош тортмоқда.
Россия Мудофаа вазирлиги Мариуполдаги гуманитар операция барбод бўлганини маълум қилди. Департамент маълумотларига кўра, “Азовсталь” комбинати ҳудудидан аҳолини эвакуация қилишда йўлакдан фойдаланилмаган. Аввалроқ Украина бош вазири ўринбосари Ирина Верешчук чоршанба куни Мариуполдан гуманитар йўлак иш бермагани, эвакуация уринишлари давом этишини айтганди.
«Азов» полки қўмондони ўринбосарининг айтишича, украиналик ҳарбийлар “учинчи давлатга ёки унинг ёрдами билан”гина эвакуацияга тайёр ва бунда жангчилар шахсий ўқотар қуролларини сақлаши керак.
Зеленский Европа Кенгаши президенти Чарльз Мишель билан учрашувдан сўнг Украина Европа Иттифоқига қўшилишда “максимал тезлик”ни ривожлантира олишини айтди.
"Мен вазминлик билан қайд этишдан мамнунманки, ҳамкорларимиз эҳтиёжларимизни яхшироқ тушуна бошлади. Бизга аниқ нима ва қачон кераклигини англашди. Ҳафталар, ойлардан кейин эмас, балки ҳозироқ, Россия ҳужумларини кучайтиришга уринаётганда бир пайтда кераклигини..."
“Дунё демократик давлатлари Россиянинг давом этаётган агрессияси ва ҳарбий жиноятларига бефарқ қолмайди”, деди Канада бош вазири ўринбосари, молия вазири Христя Фриланд ўзининг Twitterдаги саҳифасида.
Вашингтонда эса кеча, 20 апрелда бўлган G20 йиғилишида россиялик делегатлар сўз олган пайтда Буюк Британия, АҚШ, Канада ва Франция молия вазирлари зални тарк этишган.
