Самарқанд шаҳри аҳолиси, тадбиркорлари Сардобага инсонпарварлик ёрдами жўнатмоқда
«Саховат ва кўмак» умумхалқ ҳаракати Самарқанд шаҳар марказида айни пайтда
Сирдарё вилоятининг Сардоба туманига шаҳар аҳолисидан келтирилган инсонпарварлик ёрдамини йиғиб, санитария талаблари асосида саранжомлаш ишлари давом этмоқда.
Шунингдек, марказга Самарқанд шаҳрида фаолият юритаётган "MEGA SEZON POYAFZAL" масъулияти чекланган жамияти 5 турдаги 3400 дона пойабзал, “Жомбой яшил чироқлари” масъулияти чекланган жамияти 50 миллион сўмлик озиқ-овқат, "SAM PARDA FEYZA ANTEP GILAM" масъулияти чекланган жамияти 285 дона турли ҳажмдаги гилам, "Sam Antep gilam" масъулияти чекланган жамияти 100 дона гилам ва 530 дона кўрпа-ёстиқ, хусусий тадбиркор Дамир Қосимов 50 миллион сўмлик кийим-кечак маҳсулотлари, яна кўплаб тадбиркор ва маҳаллий аҳоли томонидан турли хил маҳсулотлар етказиб келиняпти.
