Самарқандда жигар трансплантацияси операцияси йўлга қўйилиши мумкин
Самарқанд давлат тиббиёт институти делегацияси Туркияда бўлиб “MLP Care” компанияси вакиллари билан Самарқандда жигар трансплантацияси операцияларини амалга ошириш бўйича ҳамкорлик шартномаси имзолаган.
Мазкур келишув доирасида туркиялик мутахассислар институт клиникалари ходимлари учун жигар трансплантацияси бўйича маҳорат дарслари ва малака ошириш курсларини ташкил этади.
Ушбу шартномада Самарқандда даволашнинг юқори технологиялари ва усулларини жорий этиш ҳамда бутун минтақада соғлиқни сақлаш тизими учун юқори малакали кадрларни тайёрлаш ҳам кўзда тутилган.
