Samarqandda jigar transplantatsiyasi operatsiyasi yo‘lga qo‘yilishi mumkin

Samarqand davlat tibbiyot instituti delegatsiyasi Turkiyada bo‘lib “MLP Care” kompaniyasi vakillari bilan Samarqandda jigar transplantatsiyasi operatsiyalarini amalga oshirish bo‘yicha hamkorlik shartnomasi imzolagan.

Mazkur kelishuv doirasida turkiyalik mutaxassislar institut klinikalari xodimlari uchun jigar transplantatsiyasi bo‘yicha mahorat darslari va malaka oshirish kurslarini tashkil etadi.

Ushbu shartnomada Samarqandda davolashning yuqori texnologiyalari va usullarini joriy etish hamda butun mintaqada sog‘liqni saqlash tizimi uchun yuqori malakali kadrlarni tayyorlash ham ko‘zda tutilgan.