Самарқандда маърифатпарвар олим, журналист ва таржимон Саид Ризо Ализода таваллудининг 135 йиллиги кенг нишонланади

Бу ҳақда Самарқанд вилояти ҳокимлигининг чора-тадбирлар режаси ишлаб чиқилди.

Унда асосий тадбирлар 2022 йил февраль ойида ўтказилиши тасдиқланди. Маърифатпарвар олимнинг Самарқанддан ташқаридаги музейлар, архивларда мавжуд китоб ва мақолалари эълон қилинган газета-журналларидан нусхалар келтириш, бунинг учун махсус ишчи гуруҳи ташкил этиш ва хизмат сафари учун зарур шароитларни яратиш белгиланди.

Тадбирлар доирасида Саид Ризо Ализоданинг ҳаёти ва ижодига бағишланган халқаро илмий анжуман ташкил этилади. Шунингдек, аллома асарлари жамланиб, икки жилдлик "Танланган асарлар тӯплами" чоп этилади.