Самарқандлик йигит уйидаги ов милтиғини ўз ихтиёри билан топширди
Кеча, 4 январь куни Самарқанд вилояти ИИБ Хавфсиз туризмни таъминлаш бошқармаси ходимлари Самарқанд шаҳрида фуқаролар ўртасида ноқонуний қурол-яроғ ҳамда ўқ-дори воситаларини сақламаслик юзасидан тарғибот тадбирлари ўтказди.
Натижада Самарқанд шаҳар Бухоро кўчасида яшовчи 1986 йилда туғилган О. исмли йигит марҳум бобосидан қолган бир дона "ИЖ-58М" русумли ов қуролини ўз ихтиёри билан ИИБ ходимларига топширди.
"Ҳурматли фуқаролар, агар сизда ёки танишларингизда ноқонуний қурол-яроғ ҳамда ўқ-дори воситаларини сақлаб келаётганлик бўйича маълумотлар бўлса, ҳудудий ИИБга мурожаат қилинг", дейилган Самарқанд вилоят ИИБ хабарида.
