Тегишли ҳолларда реконструкция қилиш учун рухсатнома талаб этилмайди
⚠️ Хизмат: Объектларни қайта ихтисослаштириш ва реконструкция қилиш, шу жумладан, умумий овқатланиш корхоналарининг мавсумий кафеларини жойлаштириш учун рухсатномалар бериш.
🙎♂️ Хизматдан фойдаланувчилар: Жисмоний ва юридик шахслар
🔄 Хизматни кўрсатиш тартиби:
- Ариза берувчилар маълумотнома олиш учун Давлат хизматлари марказларига ўзи келиб мурожаат этади ёки ЯИДХПда давлат хизматларидан электрон шаклда фойдаланиш учун рўйхатдан ўтади.
- Сўровнома тўлдирилиб, Қурилиш вазирлиги (ваколатли орган)га ёки Қорақалпоғистон Республикаси, вилоятлар ва Тошкент шаҳар ер тузиш ва кўчмас мулк кадастри давлат корхонаси филиалларига юборилади.
- Ваколатли орган аризани кўриб чиқиб, объект мақсадли йўналишининг реконструкция билан ва реконструкциясиз ўзгариши, яъни хоналар (бинолар)ни унинг лойиҳа-смета ва кадастр ҳужжатларида назарда тутилмаган фаолият учун мослаштириш бўйича тегишли хулосани тайёрлаган ҳолда, рухсатнома шакллантиради.
🗓 Хизматни кўрсатиш муддати:
5 иш куни ичида
☑️ Тегишли ҳолларда реконструкция қилиш учун рухсатнома талаб этилмайди.
🚫 Шунингдек, бир қатор фаолият турлари учун турар-жой зоналарида жойлашган объектларни қайта ихтисослаштириш ва реконструкция қилиш учун рухсатнома бериш тақиқланади.
🔰 Хизмат нархи:
➖ БҲМнинг 30 фоизи миқдорида – 81 000 сўм;
➖ Ягона портал орқали топширилганда миқдори – 72 900 сўм.
📋 Ҳуқуқий асос: Ҳукумат қарори.
Бу ҳақда Huquqiy axborot маълум қилди.
