Тожикистонда кучли ёмғир 13 кишининг ҳаётига зомин бўлди
Тожикистоннинг бир қанча вилоятларида якшанба куни содир бўлган кучли ёмғирлар оқибатида 13 киши ҳалок бўлган. Бу ҳақда республика президенти матбуот хизмати хабар тарқатди.
“Кеча кучли ёғингарчилик туфайли Ваҳдат шаҳри ва Рудакий туманида табиий офат рўй берди, натижада 13 киши, жумладан, Ваҳдат шаҳрида 11 киши, Рудакий вилоятида 2 киши ҳалок бўлди”, — дейилади хабарда.
Маълум бўлишича, Душанбе-Чаноқ йўлига сел кетган, ҳодиса натижасида автомобилларга шикаст етган, йўл тўсилган.
