Toshkentda ikki yoshli bola balkondan tushib ketib, vafot etdi

Toshkent shahri, Sirg‘ali tumanidagi Choshtepa mahallasida dahshatli fojia yuz berdi.

Mahalliy hokimiyat tomonidan kam ta’minlangan oilalarga va nogironlarga berilgan yangi uyning 4-qavat balkonidan 2 yoshli bola tushib ketgan.

Voqea yuz berganda bolaning onasi uyda bo‘lmagan. Uyda kattalardan ayolning sobiq eri mehmon sifatida bo‘lgan. U ham holat qanday sodir bo‘lganini bilmay qolgan.

Bola yugurib o‘ynab yurgan, u ochiq balkonga o‘tib, temir yo‘l to‘sig‘idan pastga tushib ketgan. U shifoxonaga borishda yo‘lda vafot etgan.

Sirg‘ali tuman Ichki ishlar boshqarmasi va tuman hokimi ota-onalardan ochiq balkonlari bor xonalarda yosh bolalarni nazoratsiz qoldirmaslikni so‘radi.