Трамп дунёга савдо уруши эълон қилди
Кеча, 2 апрель куни Оқ уйда Доналд Трамп "Америка озодлик куни"ни эълон қилди ва мисли кўрилмаган тарифларни жорий этди.
Дунёнинг барча давлатларидан импорт қилинадиган барча товарларга 10 фоиз, 3 апрелдан бошлаб барча импорт қилинган автомобиллар учун 25 фоиз божлар белгиланди. Жумладан, АҚШ валютасини манипуляция қилиш ва савдо божи ҳамда АҚШнинг ўзаро тўлов тарифлари бўйича Ўзбекистонга ҳам 10 фоизлик божлар жорий этилди.
Трамп нима учун божлар жорий қилаётганини тушунтирди: АҚШ жуда узоқ вақтдан бери бошқа давлатларга “таслим бўлмоқда”. Ўз нутқида АҚШ президенти шундай деди: “Мен бошқа мамлакатларни айбламайман. Мен бу ҳалокатли номутаносибликнинг юзага келишига йўл қўйган АҚШнинг собиқ президентларини айблайман.
Трампнинг фикрича, бу АҚШ иқтисодиётининг ўсишига олиб келади.
Бундан ташқари, Доналд Трамп мамлакатларга тарифни нолга тушириш йўлини таклиф қилди: “Агар сиз бож ставкангиз нолга тенг бўлишини истасангиз, маҳсулотингизни айнан шу ерда - Америкада ишлаб чиқарасиз”.
