Tramp dunyoga savdo urushi e’lon qildi

Kecha, 2 aprel kuni Oq uyda Donald Tramp "Amerika ozodlik kuni"ni e’lon qildi va misli ko‘rilmagan tariflarni joriy etdi.

Dunyoning barcha davlatlaridan import qilinadigan barcha tovarlarga 10 foiz, 3 apreldan boshlab barcha import qilingan avtomobillar uchun 25 foiz bojlar belgilandi. Jumladan, AQSh valyutasini manipulyasiya qilish va savdo boji hamda AQShning o‘zaro to‘lov tariflari bo‘yicha O‘zbekistonga ham 10 foizlik bojlar joriy etildi.

Tramp nima uchun bojlar joriy qilayotganini tushuntirdi: AQSh juda uzoq vaqtdan beri boshqa davlatlarga “taslim bo‘lmoqda”. O‘z nutqida AQSh prezidenti shunday dedi: “Men boshqa mamlakatlarni ayblamayman. Men bu halokatli nomutanosiblikning yuzaga kelishiga yo‘l qo‘ygan AQShning sobiq prezidentlarini ayblayman. 

Trampning fikricha, bu AQSh iqtisodiyotining o‘sishiga olib keladi. 

Bundan tashqari, Donald Tramp mamlakatlarga tarifni nolga tushirish yo‘lini taklif qildi: “Agar siz boj stavkangiz nolga teng bo‘lishini istasangiz, mahsulotingizni aynan shu yerda - Amerikada ishlab chiqarasiz”.