Трампнинг сайловолди штаби раҳбарида COVID-19 аниқланди
АҚШ президенти Дональд Трампнинг сайловолди штаби раҳбари Билл Степиен коронавирус инфекцияси билан касалланди. Бу ҳақда 3 октябрь куни Politico нашри хабар берди.
Тақдим этилган маълумотга кўра, Степиенга коронавирус ташхиси 2 октябрь куни қўйилган. "Унда инфекциянинг грипп каби енгил белгилари кузатилмоқда”, дейилган хабарда.
42 ёшли Степиен карантинга олинган, у уйда туриб ишлашни режалаштирмоқда.
Эслатиб ўтамиз, 2 октябрь куни АҚШ президенти Дональд Трамп ва унинг рафиқасида ҳам коронавирус инфекцияси аниқланган эди.
