Trampning saylovoldi shtabi rahbarida COVID-19 aniqlandi
AQSh prezidenti Donald Trampning saylovoldi shtabi rahbari Bill Stepiyen koronavirus infeksiyasi bilan kasallandi. Bu haqda 3 oktyabr kuni Politico nashri xabar berdi.
Taqdim etilgan ma’lumotga ko‘ra, Stepiyenga koronavirus tashxisi 2 oktyabr kuni qo‘yilgan. "Unda infeksiyaning gripp kabi yengil belgilari kuzatilmoqda”, deyilgan xabarda.
42 yoshli Stepiyen karantinga olingan, u uyda turib ishlashni rejalashtirmoqda.
Eslatib o‘tamiz, 2 oktyabr kuni AQSh prezidenti Donald Tramp va uning rafiqasida ham koronavirus infeksiyasi aniqlangan edi.
