Украинанинг Москвага ҳужуми: поездлар тўхтаган, самолётлар учмаяпти
Кеча Украина учувчисиз учоқларининг ҳужуми туфайли Москва осмони бутунлай ёпилган эди. Дрон Зеленограддаги турар-жой биносига ҳам келиб урилган.
Оммавий кечикишлар ва рейсларнинг бекор қилиниши бир неча минг йўловчига таъсир кўрсатди. Йўловчилар пол ва сунъий ўт устида ухлашларига тўғри келган.
Шаҳар ва шаҳар атрофида поездлар қатнови ҳам тўхтаган ёки катта кечикишлар билан ҳаракатланмоқда. Йўловчилар тиқилинч ва “очлик”дан шикоят қилишмоқда.
Москва мэрининг сўзларига кўра, бугун тунда Москвага учаётган яна 2 та дрон йўқ қилинган. Уриб туширилган дронларнинг умумий сони 70 дан зиёд. Тонгда эса аэропортлар қисман самолётларни қабул қилиш ва учиришни бошлаган. Ваҳоланки, чекловлар туфайли бошқа мамлакат ва шаҳарлар аэропортларидаги ўнлаб рейслар ўз парвозини кутаётгани айтилмоқда.
