Андроид қурилмалар учун Zarnews.uz мобил иловаси. Юклаб олиш x

Хитой мудофаа вазири Ли Шанфу ўз лавозимидан четлатилди, аввалроқ ОАВ унинг "йўқолиб қолгани" ҳақда хабар тарқатганди

Ўтган ойда Ғарб нашрлари Хитой мудофаа вазирининг “йўқолиб қолгани” ҳақида ёзган ва коррупция бўйича тергов остида эканлигини маълум қилишган эди.

Бугун Хитой матбуоти вазирнинг ишдан олингани ҳақда хабар тарқатди. Хитой мудофаа вазирининг истеъфоси сўнгги ойларда мамлакат раҳбариятидаги иккинчи йирик ўзгаришдир.

Июль ойида Хитой ташқи ишлар вазири Цинь Ганг ўз лавозимидан четлаштирилганди. Бу четлатиш, ТИВ раҳбарининг телеканал журналисти билан никоҳдан ташқари муносабатлари ортидан рўй берганди.

Хитой расмийлари анъанага кўра, истеъфоларга айнан нима сабаб бўлганига аниқлик киритмайди. Цинь Гангнинг тақдири ҳақида ҳам хабар берилмади.