Хитойда бир киши вабодан вафот этганидан сўнг карантин жорий этилди

Хитойнинг Ички Мўғулистон автоном ҳудудида бир киши вабодан вафот этди. Бу ҳақида маҳаллий соғлиқни сақлаш қўмитаси хабар берди.

 Айни вақтда, касалланган билан мулоқотда бўлган 35 киши карантинга олинган. Касаллик қайд этилган ҳудудда юқори эпидемиологик хавф ҳолати жорий этилган. Тақдим этилган маълумотга кўра, юқори хавф ҳолати йилнинг охирига қадар сақланиб қолади.

Ушбу ҳудуддаги маҳаллий аҳоли томонидан суғур ва бошқа кемирувчилар гўштини истеъмол қилиш касаллик пайдо бўлишига сабаб бўлган.