1 fevraldan "Umra"ga qatnov har kuni amalga oshiriladi
2022 yil 22, 25 va 28 yanvar kunlari Toshkent shahridan Saudiya Arabistonidagi Jidda shahriga o‘zbekistonlik ziyoratchilarni umra ibodatlarini ado etish uchun reyslar amalga oshirilishi ma’lum qilingan edi.
O‘zbekiston musulmonlari idorasining xabar berishicha, 22 yanvar kuni 1-reys parvozi Saudiya Arabistoniga muvaffaqiyatli amalga oshirildi.
Shuningdek, O‘zbekiston musulmonlari idorasi raisi, muftiy Nuriddin domla Xoliqnazarov va Din ishlari bo‘yicha qo‘mita raisining birinchi o‘rinbosari Muzaffar Komilov tomonidan “O‘zbekiston 24” telekanaliga berilgan intervyuda aytilishicha, umra ziyorati uchun 2022 yil 1 fevraldan Saudiya Arabistoniga har kuni bittadan reys, 10 fevraldan esa har kuni 2 ta reys va Ramazon oyi davomida har kuni 3 tadan reys amalga oshiriladi.
