18 martda surunkali yomg‘ir va qisqa muddatli qor yog‘ishi kutilmoqda
17-20 mart kunlari yurtimiz hududiga Erondan iliq va nam havo, so‘ngra Volga bo‘yi hududlaridan sovuq havo massasi kirib kelishi kutilmoqda.
17 martda respublika hududining katta qismida vaqti-vaqti bilan yomg‘ir yog‘adi, 18 martda ba’zi joylarda yomg‘ir qisqa muddatga qorga aylanishi mumkin.
18 martda viloyatimiz, shuningdek, Toshkent, Jizzax, Sirdaryo, Qashqadaryo, Surxondaryo, Andijon, Namangan va Farg‘ona viloyatlarida ba’zi joylarda kuchli yomg‘ir yog‘ishi kutiladi.
Respublikaning tog‘li hududlarida yog‘ingarchilik (yomg‘ir, qor), vaqti-vaqti bilan kuchli bo‘ladi.
19-20 martda kechalari havo harorati 0-3 daraja iliqqacha pasayadi, Samarqand, Buxoro, Navoiy, Toshkent, Jizzax, Sirdaryo viloyatlarida ba’zi joylarda havoda va tuproq yuzasida harorat 1-2 daraja sovuqqacha bo‘lishi mumkin.
