9 fevral – Alisher Navoiy tavallud topgan kun

Gar oshiq esang, zebu takallufni unut,
Yaxshiyu yamon ishda taxallufni unut.
O‘tgan gar erur yamon – taassufni unut,
Kelgan gar erur yaxshi – tasarrufni unut.
                            ***
Ey, sharbati la’ling obi hayvondin alaz,
Hayvon suyini qo‘yki, chuchuk jondin alaz.
Ne jondin alaz, ne obi hayvondin alaz,
Kim har neki yo‘q, ondin alaz, ondin alaz.
                             ***
Gul bordi esa, chaman muattar bo‘lsun,
Sham’ o‘chti esa, qamar munavvar bo‘lsun.
Shahzodag‘a gar ravza muyassar bo‘ldi,
Sultong‘a jahon mulki muyassar bo‘lsun.
               

                Besh Hikmat
Nechuk bilmay degay so‘z ahli hikmat,
Xususan, so‘rsa oni ahli davlat.

                       ***

Jahondin, ko‘rki, kimlar kom olibdur,
Bu eski dayr kimlardin qolibdur.

                       ***

Yiqilsa hujra, bo‘lsun qasr obod,
Qurusa sabza, bo‘lsun sarv ozod.

                       ***

Gul borsa, chamanga bo‘lmasun dard,
Kun botsa, falakka yetmasun gard.

                       ***

Ne qilg‘oli kimgaki niyatdurur,
Burun shart anga qobiliyatdurur.