AQShda koronavirus infeksiyasiga chalinganlar soni uch milliondan oshdi

AQShda koronavirus infeksiyasiga chalinganlar soni 3 097 084 nafarga yetdi. So‘nggi kecha-kunduzda 56 251 nafar kasallanish holati qayd etilgan. Bu haqda 8 iyul kuni Reuters agentligi xabar berdi.
Mamlakatda COVID-19 infeksiyasidan vafot etganlar soni 131 ming nafardan oshib ketdi. So‘nggi kecha-kunduzda 923 nafar o‘lim holati qayd etildi.

Kaliforniya, Gavayi, Aydaxo, Missuri, Montana, Oklaxoma va Texas shtatlarida bir kecha-kunduzlik rekord natija qayd etilgan. Texas va Kaliforniyada so‘nggi kecha-kunduzda 10 mingdan ortiq koronavirus holati aniqlangan. Arizona shtatida tahlil topshirganlarning 26 foizi COVID-19 bilan kasallangan. Jami 24 shtat keyingi bir xaftada “kasallik yuqishining o‘ta yuqori darajasi” qayd etilayotganligi to‘g‘risida ma’lum qildi.