AQShda Tramp tarafdorlari va muxoliflar orasida otishma ro‘y berdi

Vashington shtatidagi Olimpiya shahrida amaldagi prezident Donald Tramp tarafdorlari va muxoliflar orasidagi to‘qnashuvda otishma ro‘y berdi. Bu haqda NBC mahalliy huquqni muhofaza qilish organlari ma’lumotiga asoslanib xabar berdi.

Politsiya ma’lumotlariga ko‘ra, otishma natijasida bir kishi jarohatlangan. Ushbu ish bo‘yicha gumondor shaxs hibsga olingan. Huquqni muhofaza qiluvchi xodimlarning ta’kidlashicha, ziddiyatning har ikkala tomonida yaxshi qurollangan odamlar bo‘lgan.

Ma’lumki, 2020 yil 3 noyabr kuni AQSh navbatdagi prezident saylovlari bo‘lib o‘tdi. Ovozlarni hisoblash va ushbu masala bo‘yicha sud jarayoni hali ham davom etmoqda. OAVning ma’lum qilishicha, Jo Bayden g‘alaba qozonish uchun zarur miqdordagi ovozni olgan va shu tariqa Trampni ortda qoldirgan. Demokrat allaqachon o‘zini AQShning saylangan prezidenti deb e’lon qilgan.