Badminton sport turi bo‘yicha viloyat birinchiligi o‘tkazildi

2007 yilda tug‘ilgan va undan kichik yoshdagi o‘g‘il va qiz bolalar o‘rtasida badminton sport turi bo‘yicha viloyat birinchiligi o‘tkazildi.

Samarqand shahridagi Sportning o‘yin turlari va yengil atletika bo‘yicha ixtisoslashtirilgan sport maktabi sport inshootida tashkil etilgan musobaqada tuman (shahar)lardan tashrif buyurgan 100 nafardan ziyod ishtirokchilar shaxsiy, juftlik va aralash juftlik bahslari bo‘yicha g‘oliblik uchun bellashdilar.  

Musobaqa yakunida quyidagilar musobaqa g‘olibligini qo‘lga kiritdi.

Shaxsiy birinchilikda o‘g‘il bolalar o‘rtasida B.O‘ralov va qiz bolalar o‘rtasida M.Hazratqulova;

Juftlik bahsida o‘g‘il bolalar o‘rtasida Sh.Suvonqulov, I.Mo‘minov juftligi va qiz bolalar o‘rtasida S.Nuriddinova, N.Nematullayeva jufligi;  

Aralash juftlik bahslarida A.Suyarov va M.Qarshiboyevalar jufligi birinchi o‘rinni egalladi.

G‘olib va sovrindorlar O‘zbekiston "Yoshlik" JTSJ viloyat bo‘limi tomonidan I, II, III darajali diplom, medal va qimmatbaho esdalik sovg‘alari bilan taqdirlandi.