“Besh tashabbus olimpiadasi”: G‘oliblar musobaqaning hududiy bosqichiga yo‘l oldi

Viloyatda mazkur olimpiadaning ikkinchi mavsumi 10 sentyabrda boshlangan edi. Hozirga qadar ishtirokchilar madaniyat, san’at, sport, kitobxonlik, axborot texnologiyalari yo‘nalishlari bo‘yicha 14 tanlov va sport musobaqalarining mahalla, sektor, tuman (shahar) bosqichlarida ishtirok etdi.

Jumladan, musobaqalarning mahalla bosqichida 620 ming 396  nafar, sektor bosqichida 205 ming 804 nafar, tuman (shahar) bosqichida 13 ming 716 nafar yoshlar qatnashib, 2861 nafar ishtirokchi olimpiadaning hududiy bosqichiga yo‘l oldi.

– Mahallamizda ikki mingdan ziyod yoshlar bor, - deydi Jomboy tumani Tut  mahalla fuqarolar yig‘ini yoshlar yetakchisi Shohjahon Pardayev. – Shundan “Besh tashabbus olimpiadasi”ning ikkinchi mavsumida 500 nafardan ziyod o‘g‘il-qiz qatnashdi. Ular mahalla, sektor, tuman bosqichlarida 14 ta tanlov va sport musobaqalarida bellashib, 20 nafar ishtirokchi viloyat bosqichi yo‘llanmasini qo‘lga kiritdi. 

Olimpiadaning hududiy bosqichi bugun, 7 noyabrdan 25 noyabrgacha va respublika bosqichi 25 noyabrdan 16 dekabrga qadar davom etadi.

Fazliddin Ro‘ziboyev.