Boturxon Valixo‘jayev o‘z davrining zukko bilimdoni edi

Bugun O‘zbekiston Fanlar akademiyasi akademigi, O‘zbekistonda xizmat ko‘rsatgan fan arbobi Boturxon Valixo‘jayev tavallud topgan kun.

Olim 1932 yil 1 aprelda Samarqandda tug‘ilgan. Ilmiy ishlari adabiyot tarixi, adabiy aloqalar, tasavvuf va uning namoyandalari, Samarqand adabiy va ilmiy muhiti tarixi, Ibn Sino, Nizomiy, Jomiy, Navoiy kabi alloma va mumtoz shoirlarning ijodiga bag‘ishlangan.

Boturxon Valixo‘jayev o‘z davrining zukko bilimdoni, adabiyotshunoslikda maktab yaratgan ziyolilardan biri edi. Olimning mumtoz adabiyot, ma’naviy meros borasidagi tadqiqotlari, xulosalari nafaqat mamlakatimiz, balki xorijda ham e’tirof etilgan.

Ushbu surat o‘tgan asrning 70-yillarida olingan. Unda Boturxon aka akademiklar Vohid Abdulla, Laziz Qayumov va do‘sti Saydulla Mirzayev bilan Samarqandda xalqaro anjumanga tayyorgarlik ko‘rayotgani aks etgan.

Boturxon Valixo‘jayev 2005 yil 25 avgustda vafot etgan.