Bozorlardagi avtoturargohlarda nogironlarning avtotransportlari uchun to‘xtab turish joylari tashkil etilishi lozim

🚏 Qonunchilikka ko‘ra, nogironligi bo‘lgan shaxslarning avtotransport vositalari to‘xtab turishi uchun bozorlar, savdo majmualari va boshqa ob’yektlar hududlaridagi avtoturargohlarning kirish va chiqish qulay bo‘lgan qismida to‘xtab turish joylari tashkil etiladi.

📌 Nogironligi bo‘lgan shaxslar avtotransport vositalarining to‘xtab turish joylari to‘xtab turish joyi umumiy maydonining kamida 5 foizini (kamida 2 ta joy) tashkil etishi lozim.

⚙️ Mazkur to‘xtab turish joylariga «5.15. To‘xtab turish joyi» va «7.17. Nogironlar» yo‘l belgilari o‘rnatiladi.

❌ Shuningdek, ushbu to‘xtab turish joylaridan foydalanganlik uchun haq olinmaydi.

Bu haqda Adliya vazirligining “Huquqiy axborot” telegram kanalida ma’lum qilindi.