Bugun viloyat bo‘yicha yog‘ingarchilik kutilmoqda, yomg‘ir, qor yog‘ishi ertaga ham davom etadi

"Samarqandgidromet" ma’lum qilishicha, bugun kechgacha sovuq va nam havo massasi asta-sekin viloyatning barcha hududlariga tarqaladi. Yog‘ingarchilik (yomg‘ir, qor) ertaga ham davom etadi.

11-12 dekabr kunlari tog‘li hududlarning ba’zi joylarida kuchli qor yog‘adi. Chorshanbadan jumagacha O‘zbekistonning barcha hududlari bo‘yicha yog‘ingarchiliksiz ob-havo bo‘lishi kutilmoqda.

12-13 dekabr kunlari sovuq kuchayadi va havo harorati kechalari -8…-13 daraja sovuq, kunduz kunlari +3…+8 daraja iliq bo‘ladi.

14-15 dekabrda O‘zbekiston hududidan sovuq havo massasi chekina boshlaydi.

Ish haftasining oxirida havo harorati kechasi 0…-5 daraja sovuq, kunduzi +2…+7 daraja iliq, shimolda kechasi -7…-12 daraja sovuq, kunduzi 0…+5 daraja iliq atrofida bo‘ladi.