Bugundan 1-sinfga qabul boshlandi

1-sinfga qabul 2 bosqichda amalga oshiriladi.

➖1-bosqich. 20 iyundan 31 iyulga qadar maktablarga mahalliy hokimlik qarorlari bilan biriktirilgan mikrohudud doirasida amalga oshiriladi.

➖2-bosqich. 1-15 avgust kunlari mikrohududdan tashqari qo‘shimcha qabul jarayonlari amalga oshiriladi. Bunda, umumta’lim maktablarining o‘quvchi o‘rni, malakali pedagog kadrlar bilan ta’minlanganligi, sinf xonalarining yetarli ekanligini inobatga olgan holda amalga oshiriladi.

43 ta tuman (shahar)da (https://uzedu.uz/uploads/downloads/g4ElwBzmtKKWpcohIVRpl5WKJWAqo2C0.pdf) 1-sinfga qabul jarayonlari elektron shaklda davlat xizmatlari orqali amalga oshiriladi.

Bunda, ota-onalar 20 iyun soat 12:00dan boshlab my.maktab.uz elektron platformasi orqali ro‘yxatdan o‘tib, ariza topshirishlari mumkin.

Qolgan tumanlarda an’anaviy shaklda, ya’ni bevosita maktab tomonidan qabul qilinadi.

Batafsil ma’lumotlarni @mymaktab_uz telegram kanali yoki ☎️ 71 203-07-04 telefon raqami orqali olish mumkin.

Ma’lumot uchun: 2023-2024 o‘quv yilida respublikamiz bo‘yicha 730 mingdan ortiq bola 1-sinfga qabul qilinishi rejalashtirilgan.

Eslatib o‘tamiz: “Ta’lim to‘g‘risida”gi Qonunga asosan (https://lex.uz/docs/5013007) bolalar, ular 7️ yoshga to‘ladigan yilda maktabga qabul qilinadi. Ya’ni bu yil 1-sinfga 2016 yilning 1 yanvaridan 31 dekabriga qadar tug‘ilgan bolalar qabul qilinadi.