Charxinda profilaktika inspektoriga tan jarohati yetkazgan yigitga nisbatan jinoyat ishi qo‘zg‘atildi

8 iyun kuni soat taxminan 01:00 lar atrofida tungi xizmatga jalb qilingan Narpay tumani IIB profilaktika inspektori, katta leytenant O‘.Burkiyev, tumanning “Charxin” mahallasi hududidan o‘tuvchi yo‘l chetida to‘xtab turgan “Nexia-2” rusumli avtotransport vositasi shubha uyg‘otganligi sababli, mashina oldiga borib, avtomashina ichida bo‘lgan ikki nafar fuqarodan o‘zini tanishtirishini hamda shaxsini tasdiqlovchi hujjatlarini so‘ragan.

Fuqarolar profilaktika inspektoriga qo‘pol muomalada bo‘lib, uning qonuniy talablarini bajarmasdan, urib tan jarohati yetkazgan.

Samarqand viloyati IIB axborot xizmati xabar berishicha, 2021 yil 23 iyun kuni ushbu shaxslarga nisbatan Jinoyat kodeksining 219-moddasi 2-qismi bilan jinoyat ishi qo‘zg‘atilgan. Hozirda tergov harakatlari olib borilmoqda.