Chiqit arimaydigan ko‘cha bir necha kunda zamonaviy qiyofaga kirdi

Saytimiz Samarqand shahridagi bir necha yillardan beri toza bo‘lmaydigan Ulug‘ Tursunov ko‘chasidagi holat haqida bir necha marta yozgan, ammo bu ko‘ngilxiralikka to‘la-to‘kis barham berilmayotgan edi.

Yaqindagina ham saytimizda shu masalada “Toza bo‘lmaydigan ko‘cha” sarlavhasi ostida tanqidiy maqola berilgan edi.
Yaqinda viloyat hokimligi tashabbusi bilan ushbu ko‘cha juda qisqa fursatda yangi qiyofaga kirdi. Ko‘chaning bir qismi asfalt qilindi, atrofi obodonlashtirilib, yonlariga piyodalar uchun yo‘lakcha tashkil etildi.
Ko‘cha bunday go‘zal qiyofaga kirgach, har tugul uning har yeriga chiqindi tashlash odati ham bartaraf etildi. Eng ahamiyatlisi, ko‘cha boshida shu atrofdagi, ya’ni Ko‘ksaroy mahallasi bolajonlari uchun yangi bolalar maydonchasi, zamonaviy mini-stadion tashkil etildi.
Mana, bo‘larkan-ku!