Dam olish kunlari havo harorati pasayadi, sovuq oqim kirib kelmoqda

Kecha mamlakat hududiga Volgabo‘yi hududlaridan sovuq va nam antitsiklon kirib kelishi natijasida hududlarning katta qismida yomg‘ir, tog‘li hududlarda esa yog‘ingarchiliklarga sabab bo‘ldi.

Respublika bo‘ylab joylarda yog‘ingarchilik kuchli bo‘ldi. Faqat O‘zbekistonning shimoli-g‘arbiy tumanlarida ob-havo yog‘ingarchiliklarsiz bo‘ldi, deya xabar berdi O‘zgidromet.

Bugun yomg‘ir faqat Farg‘ona vodiysi viloyatlarida, kechqurunga kelib Surxondaryo viloyatida saqlanib qoladi. Qolgan hududlarda esa yog‘ingarchiliklar kuzatilishi ehtimoldan yiroq. Havo harorati 6−11 daraja atrofida, o‘rtacha me’yorlardan 5−7 darajaga pastdir.

14−15 noyabr kunlari respublika hududiga Ural tomondan sovuq havo kirishi kutilmoqda.

Shanba kuni Qoraqalpog‘iston va Xorazm viloyatida, yakshanba kuni esa Toshkent, Jizzax, Sirdaryo, Andijon, Namangan, Farg‘ona viloyatlarida qisqa muddatli yog‘ingarchiliklar (yomg‘ir, qor) kuzatiladi. Ba’zi joylarga tuman tushishi mumkin. Shamolning tezligi sekundiga 15−20 metrgacha yetishi mumkin.

Dam olish kunlarida havo harorati kechasi 0−5 daraja iliq, ba’zi joylarda 1−3 daraja sovuq, shimoliy hududlarda esa 4−9 daraja sovuq bo‘ladi, kunduzi esa 6−11 daraja iliq bo‘ladi. Bu o‘rtacha me’yorlardan 5−7 darajaga pastdir.