Dam olish kunlari respublika bo‘ylab iliq harorat kuzatiladi
"O‘zgidromet" xabariga ko‘ra, shanba va yakshanba kunlari havo 12-17 daraja iliqqacha isiydi. Kechalari ham havo iliq bo‘ladi, yakshanba kuniga kelib, harorat kechasi 2-7 daraja iliqqacha ko‘tariladi.
Bu kunlarda havo biroz bulutli bo‘ladi, ba’zi joylarda o‘zgarib turadi, yog‘ingarchilik kutilmaydi. Faqat ayrim tog‘ oldi va tog‘li hududlarda 24 dekabr - yakshanba kuni asosan yomg‘ir ko‘rinishidagi yog‘ingarchilik bo‘lishi mumkin.
Respublika bo‘yicha ba’zi joylarga kechasi va ertalab tuman tushishi mumkin, Farg‘ona vodiysining ayrim joylariga tuman tushishi kunduzi ham saqlanib turadi.
24 dekabrda respublika bo‘yicha ba’zi joylarda shamol tezligi 15-20 m/s gacha kuchayishi mumkin.
