Ertadan O‘zbekistonga sovuq havo oqimi kirib kelmoqda

O‘zbekiston Gidrometeorologiya xizmati O‘zbekistonga kirib kelayotgan sovuq havo oqimidan ogohlantirmoqda.
Ma’lum qilinishicha, 27 oktyabrda respublikaning shimoliy tumanlariga, 28-29 oktyabrda butun O‘zbekiston hududiga Rossiyaning Yevropa qismi (Moskva oblasti)dan Volgabo‘yi orqali sovuq havo oqimining kirishi kutilmoqda.

27-28 oktyabrda O‘zbekiston bo‘yicha ayrim joylarda shamolning tezligi 17-22 m/s.gacha kuchayishi mumkin.
28-29 oktyabrda havo harorati kechasi 0-3 darajagacha pasayadi, ayrim joylarda 1-2 daraja sovuq bo‘ladi, kunduzi 10-13 daraja iliq bo‘ladi.