Eski haydovchilik guvohnomasini almashtirish uchun onlayn buyurtma berish mumkin

Bugungi kunda eski namunadagi haydovchilik guvohnomasiga ega fuqarolar uni yangisiga almashtirish uchun davlat xizmatlari markazlarida navbatda turishibdi. Ammo bu muammoni uydan turib YaIDXP orqali hal qilish mumkin.

Buning uchun my.gov.uz orqali buyurtma berilib, unda:

- bo‘sh qatorlar o‘zingizga tegishli shaxsiy ma’lumotlar bilan to‘ldiriladi;
- tegishli bandlar tanlanadi;
- yangi haydovchilik guvohnomasi yetkazib beriladigan manzil ko‘rsatiladi;
- mobil telefon yoki kompyuter orqali shaxsiy imzo qo‘yiladi;

So‘nggi qadamda invoys shakllantirilib, BHMning 70 foizi (210 ming so‘m) miqdorida, pochta xizmati uchun esa 25 ming so‘m to‘lanadi.

Markaz xodimi buyurtmani ko‘rib chiqib, chop etgan yangi namunadagi haydovchilik guvohnomasini pochta xizmatiga taqdim etadi.

Guvohnoma pochta xizmati tomonidan 2 ish kunida manzil bo‘yicha yetkaziladi. Eski namunadagi haydovchilik guvohnomasi va talon olinib, yangisi beriladi.

Pochta xizmati eski namunadagi haydovchilik guvohnomasi va talonni DXMga topshiradi.