Fantastlar bashorati to‘g‘ri chiqyapti

Taniqli yozuvchi-fantast Artur Klark mashhur bashoratchi ham bo‘lgan. Uning juda ko‘p karomatlari ro‘yobga chiqqan.

Yozuvchi bugun hayotda yo‘q. Ammo uning 2020 yil va undan keyingi yillar voqealar haqidagi bashoratlari haqiqat bo‘lib chiqmoqda.

Shulardan biri sun’iy intellektdir. U inson miyasi kabi rivojlanishiga yetadi, deydi yozuvchi. Shu paytdan boshlab Yerda ikki aqlli mavjudot paydo bo‘ladi. Ikkinchisi sun’iy intellektdir. U shu darajada tez rivojlana boshlaydiki, biologik rivojlanish sur’ati odamnikidan uzib ketadi.

Artur Klark, shuningdek, odamlar DNK bo‘yicha yo‘qolib ketgan, masalan, dinozavrlarni tiriltirishga muvaffaq bo‘lishini bashorat qilgan. Ayni paytda uning bashoratlari real voqelikka aylanmoqda. Sun’iy intellektlar yaratildi, dinozavrlarni DNK bo‘yicha tiriltirish ustida tajribalar allaqachon boshlangan.

***

Amerikada chiqadigan Wireb jurnali 1978 yilda ikki bashoratchi Piter Shvars va Piter Leydenning «Kelajak dunyo» degan maqolasini e’lon qilgan.

Undagi 25 yildan keyin nima bo‘lishi haqida qilingan bashorat to‘g‘ri chiqdi: «Ekologik inqiroz global iqlim o‘zgarishini keltirib chiqaradi. Bu oziq-ovqat yetkazib berish tartibini izdan chiqaradi. Jahonning turli burchaklarida narx-navo oshib ketadi, ocharchilik paydo bo‘ladi. Jinoyatchilik ko‘payib, terrorlar soni oshadi».

***

Ilon Mask ham bashorat qilyapti. Milliarder, misol uchun, kelajakda karbonat angidrid gazi bilan ishlaydigan raketa ixtiro qilib kosmosga uchirmoqchi.

Bu bilan u bir o‘qda ikki quyonni urmoqchi: Marsga chiqariladigan odamlar global isishdan sayyoramizni qutqaradi. Ikkinchidan, Yer havosi ekologik toza bo‘ladi. Ammo hozircha kelajak CO2 parnik gazi yoqilg‘isi mavjud emas.

T.Shomurodov tayyorladi.