Imkon bering yoshlarimizga!

Yoshlar bizning kelajagimiz,
Davomchimiz, bo‘lajagimiz,
Ertamizni qurajagimiz,
Imkon bering yoshlarimizga!

Yurtni buyuk ishga boshlasin,
Ko‘rolmaslar ko‘zin yoshlasin,
Faqat olg‘a qadam tashlasin,
Imkon bering yoshlarimizga!

Har maqsadga ahdli bo‘lishsin,
Shamollardek shahdli bo‘lishsin,
Qayda bo‘lsin, baxtli bo‘lishsin,
Imkon bering yoshlarimizga!

Qo‘yib bering, yov bo‘lmang sizlar,
Ezgu yo‘lda ov bo‘lmang sizlar,
Halal bermang, g‘ov bo‘lmang sizlar,
Imkon bering yoshlarimizga!

Bir kun kelib sizni qo‘llaydi,
Har so‘zingiz Haqga yo‘llaydi,
Ular borki xalqim gullaydi,
Imkon bering yoshlarimizga!

Hamdam Allayor,

Nurobod tumani.