Indoneziyada 2018 yilda 400 dan ortiq odamning yostig‘ini quritgan vulqon yana otila boshladi
Anak-Krakatau deb nomlangan mazkur Vulqon Yava va Sumatra orollari oralig‘idagi Sunda bo‘g‘ozida otildi, deb xabar bermoqda Channel NewsAsia telekanali.
Vulqonning kul ustuni taxminan 3 km balandlikka ko‘tarilgan. Oxirgi haftalarda 21 marta otilgan vulqon «vajohati» bu safar ancha kuchli ekani aytilmoqda.Rasmiylar aholini vulqondan kamida 2 kilometr masofa saqlashga chaqirdi. Hududda tahdidning eng yuqori «qizil» darajasi e’lon qilingan.
Avvalroq Anak-Krakatau otilishi 2018 yilda sodir bo‘lgan va unin oqibatida sunami ham yuzaga yuzaga kelib jami 429 kishining hayotiga zomin bo‘lgan edi.
