Ishtixondagi xonadonga 1 metrli echkiemar kirib qolgan
Ishtixon tuman “Beshkapa” MFY Suluvqo‘rg‘on qishlog‘ida yashovchi fuqaro M.Abdullayevaning xonadoniga bo‘z echkiemari kelib qoladi. Bu haqda Samarqand viloyat ekologiya va atrof-muhitni muhofaza qilish boshqarmasiga xabar bergan.
Ishtixon tumani ekologiya va atrof-muhitni muhofaza qilish nazorat inspeksiyasi davlat inspektorlari joyiga borib holatni o‘rganganda O‘zbekiston Respublikasi “Qizil kitobi”ga kiritilgan bo‘z echkiemar murojaatchining xonadoniga kelib qolganligi, uning uzunligi taxminan 1 metrligi va holati qoniqarli ekanligi aniqlangan.
Shundan so‘ng, joyida dalolatnoma rasmiylashtirilib, xonadon sohibiga minnatdorchilik bildirib, kunning ikkinchi yarmida Ishtixon tumanining Ho‘jaqo‘rg‘on dasht hududiga olib borilib, ona tabiat qo‘yniga qo‘yib yuborilgan.
