Ispaniya janubida havo harorati salkam 50 darajani ko‘rsatdi
Keyingi kunlarda Ispaniyada rekord darajadagi issiq havo kuzatilmoqda. Sevilya va Kordovada harorat 48 darajadan ortiqni ko‘rsatmoqda, deb xabar berdi MIR 24.
Hududlarda xavfning “qizil” darajasi e’lon qilingan. Ochiq havoda ishlaydigan odamlar uchun ish kuni qisqartirilgan.
Issiq harorat allaqachon fojiali oqibatlarga olib keldi: kecha 47 yoshli ferma ishchisi issiq urish oqibatida halok bo‘ldi.
2022 yildagi yoz fasli shu paytgacha Yevropadagi eng issiq yoz hisoblangandi. Ammo meteorologlarning ta’kidlashicha, endi har bir keyingi yil yanada issiqroq bo‘ladi. Bu yil bahorda Ispaniyada harorat taxminan 35 darajani tashkil etdi, bu odatdagidan ancha yuqori hisoblanadi.
