Istanbulda og‘ir jarohatlangan o‘zbekistonlik vafot etdi
Joriy yilning 31 oktyabr kuni og‘ir jarohatlar bilan «Çorlu Devlet Hastanesi» tibbiyot muassasasiga joylashtirilgan O‘zbekiston fuqarosi Z.V. vafot etdi. Bu haqda O‘zbekistonning Istanbul shahridagi Bosh konsulxonasi bergan ma’lumotga tayanib, TIV matbuot xizmati xabar berdi.
Konsullik-huquqiy masalalar hal qilinganidan va zarur hujjatlar rasmiylashtirilganidan so‘ng marhumning jasadi dafn qilish uchun O‘zbekistonga yuborildi.
Marhumning ish joyi «Yildiz Taşlama» fabrikasidagi avariya va xavfsizlik qoidalariga amal qilmaslik bo‘yicha tergov davom etmoqda. Bosh konsulxona vaziyatni nazoratga olgan.
