Jamoatchilik nazorati maskanimi yoki savdo nuqtasi?

Aslida-chi? Aksariyat mahallalarda mazkur maskan nomiga qurilgani yoki  savdo nuqtasiga aylantirilganligiga ko‘p guvoh bo‘lyapmiz.

Xususan, Samarqand shahridagi "Amir Temur" mahallasida tashkil etilgan jamoatchilik nazorat maskanida poyabzal ta’mirlash ustaxonasi faoliyat ko‘rsatmoqda. Ustaning ta’kidlashicha, ertalab soat 8:00 dan 18:00 gacha shu yerda aholiga xizmat ko‘rsatib, kechki paytda hudud profilaktika inspektori   va mahalla posboniga topshirib ketarkan. 

Vaholanki, har bir jamoatchilik nazorat maskani kuzatuv kamerasi bilan ta’minlangan bo‘lishi, nav­batchilikda turgan kishi tomonidan hududga kirib kelayotgan begona shaxs­lar hamda avtotransport vositalari maxsus kitobga ro‘yxatga olinishi kerak. Ammo "Amir Temur" mahallasidagi jamoatchilik maskanida A’zamjon Gadoyboyevning "Xalq yo‘li – xaq yo‘li" badiiy kitobi  ham­da mahalla faoliyatini yuritish bo‘­yicha uslubiy tavsiyalar bor, xolos.

Xuddi shunday holatni Samar­qand shahridagi "Zulfiya" mahallasidagi jamoatchilik nazorat maskanida ham uchratish mumkin. Ayni payt­da bu yerda salqin ichimliklar savdosi yo‘lga qo‘yilgan.

Baxtiyor MUSTANOV.