Javohir Sindorov - “Rustam Qosimjonov xalqaro turniri” g‘olibi
“Rustam Qosimjonov xalqaro turniri” kutilgan va kutilmagan natijalarga boy kechdi.
Yosh shaxmatchi Javohir Sindorov 6,5 ochko jamg‘argan holda mamlakatimizda ilk bor tashkil etilgan "Rustam Qosimjonov xalqaro turniri"ning “Masters” guruhida muddatidan oldin g‘oliblikni qo‘lga kiritdi.
Eronlik shaxmatchi Parxam Magsudlu 6 ochko bilan 2-o‘rinni, hamyurtimiz Shamsiddin Vohidov 5 ochko jamg‘argan holda uchlikka yakun yasadi. Ushbu guruhda g‘oliblikka asosiy da’vogar sanalgan Nodirbek Abdusattorov kuchli beshlikdan o‘rin oldi.
Xalqaro turnirning “Chellenjer” guruhida hamyurtimiz Ortiq Ne’matov va serbiyalik Aleksandr Indjich 6,5 ochkoga ega bo‘lishdi. Ammo koeffitsentlar evaziga serbiyalik shaxmatchi 1-o‘rinni, hamyurtimiz Ne’matov ushbu guruhda 2-o‘rinni egallaganligi qayd etildi.
