Android qurilmalar uchun Zarnews.uz mobil ilovasi. Yuklab olish x

Jomboyda 27 nafar bolalar bog‘chasi xodimlarining ish haqi undirib berildi

Jomboy tuman adliya bo‘limiga tumanda faoliyat olib borayotgan bog‘cha xodimlari tomonidan murojaatlar kelib tushdi. Murojaatlarga ko‘ra, Jomboy tumani maktabgacha ta’lim bo‘limiga qarashli bolalar bog‘chalarida faoliyat yuritayotgan 27 nafar xodimning oylik maoshlari asossiz ravishda to‘lanmaganligi ma’lum bo‘ldi.

Ushbu holat yuzasidan, adliya bo‘limi tomonidan fuqarolik ishlari bo‘yicha Jomboy tuman sudiga ariza kiritildi. Natijada maktabgacha ta’lim tashkiloti xodimlarining qonuniy manfaatlarini ko‘zlab, jami hisobda 230.937.000 so‘m to‘lanmay qolgan ish haqlari undirib berildi.

Furqat Tursunmurodov,
Jomboy tuman adliya bo‘limi
yetakchi maslahatchisi.