Jomboyda avtohalokat tufayli ikki kishi halok bo‘ldi. Ulardan biri – uch kunlik chaqaloq
Jomboy tumanidagi "Shirinkent-G‘azira" avtomobil yo‘lining 10-kilometrida yo‘l-transport hodisasi sodir bo‘ldi.
Viloyat IIB xabariga ko‘ra, “Spark” haydovchisi N.N. qarama-qarshi yo‘nalishiga chiqib ketayotib, “Nexia” bilan to‘qnashib ketgan. Hodisa oqibatida ikki kishi — "Spark" avtomobili haydovchisi va shifoxonadan olib ketilayotgan uch kunlik chaqaloq halok bo‘lgan.
Voqea yuzasidan Jomboy viloyati IIB huzuridagi tergov boshqarmasi tomonidan jinoyat ishi qo‘zg‘atilgan. Hozirda mazkur holat bo‘yicha Jinoyat kodeksining 266-moddasiga asosan dastlabki tergov harakatlari olib borilmoqda.
