Jomboyda fan olimpiadasi g‘oliblariga stipendiya beriladi
Umumta’lim maktablarining yuqori sinf o‘quvchilari o‘rtasidagi fan olimpiadasining Jomboy tumani bosqichi yakunlandi.
Tumanda 56 ta maktab mavjud bo‘lib, ularda tahsil olayotgan 1745 nafar 9-11 sinf o‘quvchilari turli fan yo‘nalishlari bo‘yicha bellashdi. Hududiy bosqichda saralab olingan 415 nafar o‘g‘il-qiz tuman bosqichida o‘z bilimlarini sinovdan o‘tkazdi.
– Jami 13 ta o‘quv fani bo‘yicha chuqur bilimga ega yoshlarni saralab oldik, – deydi tuman xalq ta’limi bo‘limi mudiri Z.Yusupova. – Ular endi viloyat bosqichida Jomboy sharafini himoya qiladi. Eng yuqori natijaga erishgan 4 nafar o‘quvchi tuman hokimi stipendiyasi bilan rag‘batlantiriladi.
