Mamlakatimizda havo harorati yana pasayadi

O‘zgidromet xabariga ko‘ra, 26-27 dekabr kunlari nisbatan salqin va nam havo kirib keladi va O‘zbekistonning barcha hududlariga tarqaladi.

26 dekabrda respublikaning barcha viloyatlarida, 27 dekabrda markaziy viloyatlarda yomg‘ir yog‘adi, shimolda yomg‘ir qorga aylanishi mumkin. Tog‘ oldi va tog‘li hududlarning ba’zi joylarida yog‘ingarchilik kuchli bo‘ladi. Havo harorati kechalari +2...+7 daraja, kunduz kunlari +8...+13 daraja issiq, shimolda kechalari 0...-5 daraja sovuq, kunduz kunlari +3...+8 daraja iliq bo‘ladi.

28 dekabrda O‘zbekiston bo‘yicha yog‘ingarchilik bo‘lishi va harorat biroz ko‘tarilishi kutilmoqda. 29 dekabr kuni esa sovuq havoning yana bir qismi respublika hududiga kirib keladi. Respublikaning barcha viloyatlarida yomg‘ir yog‘ishi va harorat kunduz kuni +5...+10 daraja iliq bo‘lishi kutilmoqda. Shimoliy hududlarda yog‘ingarchilik yomg‘ir ko‘rinishida yog‘adi, ba’zi joylarda qorga aylanadi.

Ba’zi joylarda shamol tezligi soatiga 15-20 m/s gacha kuchayishi kutilmoqda. Respublikaning ayrim joylariga tuman tushishi mumkin.