Маст ҳолатда майда безорилик содир этган ургутлик фуқаро қамалди

Ургут туманида истиқомат қилувчи Ҳ.З. 2020 йил 30 апрель куни соат 00:30 ларда карантин пайти ваколатли органнинг махсус талабларига зид равишда, жамоат жойида ниқобсиз бўлиб, спиртли ичимлик истеъмол қилган ҳолатда, маҳалладоши Р.М.нинг яшаш уйига бориб, жамиятда юриш-туриш қоидаларини қасддан менсимасдан, унга нисбатан ҳақоратомуз шилқимлик қилиб, унинг осойишталигини бузган, майда безорилик қилганлиги аниқланиб, маъмурий баённомалар расмийлаштирилган.

Ургут тумани маъмурий судининг қарори билан ҳуқуқбузар Ўзбекистон Республикаси МЖтКнинг 54-моддаси 1-қисми ва 183-моддасида назарда тутилган ҳуқуқбузарликларни содир қилганликда айбли деб топилиб, Ҳ.З.га нисбатан 15 сутка қамоққа олиш жазоси тайинланган.

Акмал АЛИМОВ,

Ургут тумани маъмурий суди раиси.