Mustaqillik bayrami munosabati bilan O‘zbekistonda bir qator chegirmalar e’lon qilindi
O‘zbekiston Respublikasi Turizmni rivojlantirish davlat qo‘mitasi tadbirkorlik sub’yektlari bilan hamkorlikda mustaqillikning 28 yilligi munosabati bilan joriy yilning 5 sentyabr kuniga qadar mamlakat bo‘yicha 200 ga yaqin joylashtirish vositalari (mehmonxonalar va oilaviy mehmon uylari), 80 dan ortiq transport vositalari (avtobus, mikroavtobus va yengil avtomobillar) hamda 110 dan ortiq umumiy ovqatlanish shoxobchalari (kafe, restoranlar va b.) uchun chegirmalar joriy etilganligini ma’lum qiladi.
Bunday hamkorlikdagi ishlarning davomli ravishda amalga oshirilayotganligi davlat va xususiy sektor o‘rtasidagi o‘zaro hamkorlik yanada mustahkamlanayotganidan dalolat beradi.
Shu bilan birga, 2019 yilning 31 avgustidan 3 sentyabr kuniga qadar “O‘zbekiston temir yo‘llari” AJ tomonidan ichki yo‘nalishdagi qatnovlarga 10 foizdan 50 foizgacha chegirmalar joriy qilindi.
Bundan tashqari, “O‘zbekiston havo yo‘llari” milliy aviakompaniyasi tomonidan 30 foizdan 50 foizgacha chegirmalar taqdim etilishi yo‘lga qo‘yildi. Ushbu turdagi tadbirlarning amalga oshirilishi aholining oilaviy dam olish kunlarini mazmunli tashkillashtirish hamda yurtimizning o‘ziga xos maskanlari bilan yaqindan tanishish imkonini beradi.
Joylashuv vositalaridagi chegirmalarga oid batafsil ma’lumotlarni quyidagi havola orqali olishingiz mumkin.
