“Neksiya” va “Matiz” to‘qnash keldi, ikkala haydovchi ham tan jarohati oldi

Joriy yilning 17 fevral kuni soat 23:00 lar atrofida Samarqand shahar, Ali Qushchi ko‘chasida Past Darg‘om tumanida yashovchi R.Ya. “Matiz” rusumli transport vositasini boshqarayotib, Samarqand shahrida yashovchi N.N. boshqaruvidagi “Neksiya” rusumli transport vositasi yo‘liga chiqib ketishi sabab to‘qnashuv sodir bo‘lgan.

O‘zbekiston Respublikasi IIV YHXBB axborot xizmati xabariga ko‘ra, haydovchilarning har biri tan jarohatlari olib, shifoxonaga murojaat qilishgan.

Mazkur holat yuzasidan hozirgi vaqtda Samarqand shahri bo‘yicha IIO FMB YHXB inspektori tomonidan surishtiruv harakatlari olib borilmoqda.

Hurmatli yo‘l harakati qatnashchilari, yo‘llarda harakatlanganda yo‘l harakati qoidalariga amal qilishingizni so‘raymiz.