Nursulton Nazarboyevda koronavirus aniqlandi
Qozog‘iston birinchi Prezidenti Nursulton Nazarboyev koronavirus infeksiyasini yuqtirib olgan. Bu haqda Elboshi matbuot xizmati xabar berdi.
"Xavotirga o‘rin yo‘q. Hozirda Nursulton Nazarboyev o‘zini o‘zi yakkalash rejimida bo‘lib turibdi. Afsuski, Elboshida koronavirus infeksiyasi bo‘yicha o‘tkazilgan so‘nggi test tahlillari musbat natija ko‘rsatdi.
Nursulton Nazarboyev masofadan turib ishlashda davom etmoqda", deyilgan xabarda.
Eslatib o‘tamiz, bugungi kunda Qozog‘istonda koronavirus bilan bog‘liq 15 877 ta holat qayd etilgan.
